Eduardo Camavinga është dëmtuar në stërvitje me Francën, me lojtarin e Real Madrid që ka pësuar një dëmtim në gju. Futbollisti i “Los Blancos” ka lënë në këtë mënyrë grumbullimin me “Gjelat”, teksa do të rikthehet menjëherë në Spanjë për t’iu nënshtruar edhe kontrolleve mjekësore.
Nga kjo situatë ka pësuar ndryshime lista e të grumbulluarve nga Didier Deschamps. Ky i fundit e ka zëvendësuar 21-vjeçarin me vëllain e Marcus Thuram. Bëhet fjalë për Khephren Thuram.
Ky i fundit po bën një sezon fantastik me Nicen në Ligue 1, ndërsa me “Gjelat” ka debutuar në fitoren 4-0 ndaj Holandës, takim që u zhvillua në muajin mars të këtij viti. 22-vjeçari tashmë do të ketë mundësinë të luajë sërish në ndeshjet kualifikuese, me Francën që ka mbyllur llogaritë e kualifikimit në Euro 2024.
[caption id="attachment_712572" align="alignnone" width="940"]
Khephren Thuram[/caption]
Lexo gjithashtu
