Karim Benzema padiskutim është lojtari më i rëndësishëm që Real Madrid ka në gjirin e tij. Sulmuesi francez ka udhëhequr madrilenët drejt fitoreve, ndërs au kurorzua edhe me “Topin e Artë”.
Por në qershor të 2023, Benzemas i përfundon kontrata dhe deri tani akoma asgjë nuk ka në lidhej me rinovimin, çka shton zërat për një largim të mundshëm nga “Santiago Bernabeu”.
Në lidhej me këtë çështje ka folur vetë “Topi i Artë” i cili vetëm pak javë më parë u pensionua edhe nga Franca, teksa hatërmbetjet nuk munguan.
“Unë e di se çfarë kam bërë dhe çfarë do të thotë Real Madrid për mua. Doja të luaja çdo ndeshje, por u lëndova. Më duhej kohë për t’u rikuperuar.
Unë jam këtu, në Madrid, më pëlqen çdo seancë stërvitore, më pëlqen çdo vit. Nuk e di sa kohë do të jem këtu, por kënaqem çdo ditë. Jam në Madrid, të flasësh për kontratën është një temë tjetër.
Jam kthyer nga lëndimi dhe kam punuar shumë për t’u rikthyer në nivelin tim më të mirë. Dua të marr topin, të shënoj dhe të asistoj dhe ndihem sikur jam kthyer. Shpresoj që të vazhdoj t’i ndihmoj shokët e skuadrës.
Ndihem mirë si mendërisht ashtu edhe fizikisht. Viti i kaluar ishte një vit shumë i rëndësishëm për mua, por më pas pata lëndime të ndryshme dhe u desh kohë të kthehesha, por tani jam në rrugën e duhur. Ndjehem mire”, përfundoi francezi.
Lexo gjithashtu
