Cungun nuk e bind askush, i largon të gjithë

Vllaznia zhvilloi pasditen e djeshme miqësoren e tretë për fazën përgatitore, duke luajtur kundër Deçiç të Malit të Zi. Sfida përfundoi me rezultatin 0-0, por që pas saj solli në largimin e disa futbollistëve.

Të ardhurit në provë, mesfushori Leonardo Belmani dhe sulmuesi Dmitri Reshik nuk kanë bindur teknikun shkodran. Nuk dihet sesa mund të ketë shkuar numri i lojtarëve të ardhur në provë, por prej një muaji përgatitjesh, te Vllaznia vetëm portieri malazez Jasmin Agoviç ka bindur dhe ka qëndruar. Nuk dihet nëse është e vërtetë se lojtarët nuk bindin, ose Vllaznia nuk ka para për t’i mbajtur. Megjithatë, Cungu ka ende kohë të bëjë përzgjedhje.