Covid-19 ka marrë një përhapje të gjerë në Europë, ndërsa janë 6 futbollistë të tjerë që janë prekur nga virusi. Teksa pritet që në shumicën e vendeve europiane topi të rinisë lëvizjen, duket se rastet e reja do t’i detyrojnë autoritetet që të rishohin vendimet e mëparshme. Kështu, në Spanjë dhe Portugali janë shënuar 6 raste të reja të futbollistëve të prekur nga Coronavirusi.
Pas testeve të kryera, 3 futbollistë të Real Betis në Spanjë rezultojnë pozitivë, me dy prej tyre që janë asiptomatikë. Edhe tre lojtarë të Vitoria Guimaraes në Portugali janë prekur nga Covid-19, ndërsa nuk kanë pasur asnjë simptomë. Në këto kushte, lojtarët dhe personat që kanë pasur kontakte me ta janë vetëizoluar për 14 ditë, ndërsa vijimi i garës është në pikëpyetje.