Real Madridi po planifikon të bëjë blerjen më të madhe në historinë e futbollit. Madje, një transferim aq të bujshëm dhe të shtrenjtë, saqë ua kalon edhe atyre të Cristiano Ronaldos dhe Gareth Bale.
Kështu, sipas së përditshmes italiane “La Repubblica” shkruhet se “Los Blancos” janë të gatshëm të paguajnë 120 milionë euro për transferimin e mesfushorit të Juventusit, Paul Pogba.Së shpejti, oferta do të mbërrijë zyrtarisht në zyrat e klubit bardhezi.
Drejtuesit e skuadrës kampione të Italisë nuk kanë qenë ndonjëherë gati për ta shitur lojtarin e tyre më të shtrenjtë, por 120 milionë eurove vështirë se do i rezistojnë. Me këtë shifër që mund të arkëtohet në arkat e klubit, Juventusi mund të transferojë 4 lojtarë të kalibrit botëror.
