Hamburgu ka humbur mbrëmjen e djeshme me rezultatin 6-0 ndaj Bayern Munich. Kjo humbje është përjetuar shumë keq nga tifozët gjermanë të Hamburgut, ekip në të cilin bën pjesë edhe futbollisti i Kombëtares, Mërgim Mavraj.
Një grup tifozësh kanë kërcënuar me jetë lojtarët e hamburgut, ku nuk ka shpëtuar as Mavraj. Gjatë kohës që në fushën e blertë luhet normalisht takimi, para stadiumit të Hamburgut janë vendosur disa kryqe varrezash dhe një banderolë ku shkruhej me gërma të mëdha: "Koha juaj mbaroi! Do ju kapim të gjithëve".
Kjo gjë ka frikësuar lojtarët pasi nuk ëhstë hera e parë që tifozët e Hamburgut reagojnë keq pas humbjes së skuadrës tyre, por rasti i mbrëmshëm ka qenë tepër i rëndë.
Policia është vënë në kërkim të autorëve të ngjarjes për të bërë të mundur arrestimin e tyre dhe ulur dozën e urrejtjes për futbollistët e skuadrës gjermane, e cila nuk po kalon ditët e saj më të mira, përkundrazi rrezikon seriozisht rënien nga kategoria.
Lexo gjithashtu
