Arabia Saudite vazhdon të mbetet një nga destinacionet më të kërkuara në këtë merkato verore. Al Hilal është skuadra e fundit aktive, e cila po përpiqet të fuqizohet me elementë cilësorë për të rivalizuar skuadra të tjera në këtë kampionat.
Kalidou Koulibaly është emri i preferuar për mbrojtjen e skuadrës arabe, e cila i ka ofruar senegalezit rreth 30 milionë euro në sezon për tri vite. Bisedimet mes palëve po ecin në drejtimin e duhur, ndërsa në anën tjetër shpresat e Interit për të afruar 31 vjecarin në Milano sa vijnë dhe zbehen.
Ndërkohë, Koulibaly nuk është i vetmi lojtar i Chelseat që mund të lëvizë nga Londra drejt Arabisë, pasi interesime ka dhe për portierin Eduard Mendy nga skuadra e Al Ahli dhe mesfushorin Hakim Ziyech i cili mund ti bashkohet Cristiano Ronaldos te Al Nassr.
Lexo gjithashtu
