Skuadra e Chelsea është një nga ekipet më aktive në këtë merakto dimri, me Blutë e Londrës që nuk po njohin limite sa i takon transferimeve të lojtarëve.
Siç dihet tashmë prej muajsh skuadra nga Londra kërkon shërbimet e kampionit të botës, Enzo Fernandez, i cili në Kupën e Botës fitoi edhe çmimin si talenti i këtij turneu.
Benfica nuk e lëshon lojtarin pa siguruar 120 milionë euro, shifër kjo që do të bëhet gati nga Chelsea në mënryë që të sigurojë shërbimet e 20-vjeçarit argjentinas.
Sipas gazetarit të njohur Fabrizio Romano, pas refuzimit të bërë nga ekipi portugez për ofertën e 85 milionë euro, tashmë drejtuesit kanë nisur bisedimet përsëri por me ofertën ndjeshëm të përmirësuar, ku arrin 120 milionë euro.
Mbetet të presim edhe ditët e mbetura të merkatos për të mësuar se cila do të jetë përgjigja e Benficas, nëse Fernandez do të kalojë në “Stamford Bridge” apo jo.
