Carlos Tevez është përfolur kohët e fundit për një tërheqje nga futbolli i luajtur. Mirëpo është vetë sulmuesi argjentinas që ka shuar zërat duke treguar se do të vijojë t’i shërbejë fushës së blertë.
Humbja e babait për shkak të Coronavirusit, ka detyruar 37-vjeçarin të mungojë në seancat stërvitore të Boca Juniors për dy javë. Ai ka reaguar në rrjetet sociale duke zbuluar se nuk ka ndërmend të tërhiqet nga futbolli.
“Për fat të keq, ka shumë njerëz që duhet të informohen më parë, por në vend që ta bëjnë këtë, shpërndajnë thashetheme keqdashëse në formë pyetjesh. E them këtë sepse po shkruajnë shumë gjëra në lidhje më të ardhmen time që nuk janë të vërteta”, ka thënë Tevez.
Loading ...
