Interi është skuadra e momentit në Europë, me zikaltërtit që vazhdojnë të “korrin” rezultate pozitive si në Serie A ashtu edhe në Champions League. Por përveç formës fantastike që po kalojnë, për stafin e skuadra ka “dhimbje koke”. Shkak është bërë Hakan Calhanoglu, i cili është i dëmtuar. Mesfushori turk ka një dëmtim në aduktor. Mëngjesin e ditës së sotme iu është nënshtruar vizitave mjekësorë për të mësuar më shumë mbi gjendjen e tij. Sipas të gjitha gjasave rikthimi i Calhanoglu mund të jetë për sfidën e Champions ndaj Atleetico Madrid që do të luhet në transfertë  më 13 mars në orën 21:00. “Hakan Calhanoglu iu nënshtrua testeve mjekësore mëngjesin e sotëm në Institutin Klinik Humanitas në Rozzano. Mesfushori pësoi një tendosje të lehtë të muskujve në aduktorin e gjatë të kofshës së djathtë. Gjendja e tij do të rivlerësohet në ditët në vijim”, thuhet në njoftimin e Interit. Në këtë mënyrë turku humbet 3 sfidat e ardhshme në kampionat, ku Interi do të sfidohet me Atalantën  dhe Genoan në shtëpi dhe më Bolognan në transfertë.

Le condizioni di Hakan Calhanoglu

— Inter (@Inter) February 26, 2024