Zyrtarisht, Taulant Xhaka është me pushime në Londër së bashku me familjen e tij. Ai aktualisht luan tek Bazeli, por për të duket se kanë shfaqur interes disa prej klubeve të Bundesligës Gjermane, të cilat janë vënë në kërkim të futbollistit të kombëtares.
Ende nuk ka diçka zyrtare lidhur me një largim të mundshëm të Xhakës nga Bazeli, por nëse një ofertë e mirë vjen, mund të bëhet dhe kalimi i lojtarit në Gjermani. Këtë e ka pohuar vetë Xhaka, që ka thënë, se "nëse dikush ofron më shumë, do e mendoj".
Ofertë konkrete ende nuk ka, por janë disa klube që kanë shfaqur interes për shërbimet e Xhakës, si Borussia Dortmund, Schalke e Borussia Mönchengladbach në Gjermani.
Ai aktualisht ka kontratë me klubin aktual deri në vitin 2021, por nëse dikush ofron 15 milionë euro dhe lojtari është dakord, transferimi l mund të bëhet që në janar.
Lexo gjithashtu
