Lojtarët e kombëtares së Iranit kanë marrë vizat për të hyrë në Shtetet e Bashkuara, vetëm 10 ditë para ndeshjes së tyre të parë në Kupën e Botës 2026. Lajmi u konfirmua nga një zyrtar i Shtëpisë së Bardhë, pasi më herët autoritetet iraniane kishin shprehur shqetësime për vonesat në proces.
Për shkak të problemeve me vizat, Irani vendosi në momentet e fundit të zhvendosë bazën e tij nga Arizona në Tijuana të Meksikës. Skuadra pritet të mbërrijë atje të dielën, përpara debutimit më 15 qershor ndaj Zelandës së Re në Los Angeles.
Irani ndodhet në Grupin G, ku do të përballet gjithashtu me Belgjikën dhe Egjiptin. Prania e iranianëve në turne ka marrë edhe ngjyrime politike për shkak të tensioneve mes Teheranit dhe Uashingtonit, duke e bërë këtë një nga temat më të ndjeshme të Botërorit 2026.
Lexo gjithashtu
