Zvicra kaloi në çerekfinale, aty ku do të përballet me Argjentinën e Leo Messit. Mirëpo, duhet thënë se “helvetët” e patën goxha të vështirë përballjen me Kolumbinë, duke bërë që takimi të shkonte përtej kohës së rregullt.
U deshën penalltitë që Granit Xhaka me shokë të prenin “biletën” e kalimit më tej, njërën prej të cilën e goditi saktë edhe mesfushori shqiptar.
Ky i fundit u vu disi në “provë”, kjo për shkak edhe një detaji të spikatur nga kamerat në momentin që ai po bëhej gati të godiste.
Në të majtën e tij, në tribunën përballë ndodhej një flamur serb. Një tentativë dukshëm e injoruar nga Xhaka, i cili zgjodhi ta jap përgjigjen e tij të ftohtë duke mposhtur portierin Vargas.
Një fund i lumtur për Xhakën dhe i hidhur për Kolumbinë dhe tifozit që guxoi ta sfidojë shqiptarin.
View this post on Instagram
Lexo gjithashtu
