Brazili ka fituar në miqësore përballë Meksikës në sfidën e luajtur në orët e para të mëngjesit. Sfida e zhvilluar në “Kyle Field”, përfundoi me fitoren 2-3 të brazilianëve.
Ishin pikërisht këta të fundit që kaluan në avantazh të dyfishtë me Pereira dhe Martinelli, ndërsa skuadra e Meksikës ia doli të barazonte. Quinones dhe Martinez rikthyen baraspeshën e ndeshjes në 2-2.
Kur u mendua se gjithçka do të përfundonte, dyshja më e re e Real Madrid Vinicius Jr dhe Endrick bashkëpunuan për golin e fitores. Vini asistoi për 17-vjeçarin me këtë të fundit që shënoi në minutën e 96-të të sfidës.
Një fitore e rëndësishme për skuadrën e Brazilit që rrit ndjeshëm motivimin para Copa America. Në krahun tjetër, Carlo Ancelotti “buzëqesh”, me trajnerin e Real Madrid që është i kënaqur për formën e dy yjeve të “Los Blancos.
Lexo gjithashtu
