Një ngjarje e veçantë, po aq edhe e pazakontë është regjistruar në Rumani. Skuadra e Dinamos së Bukureshtit është gjendur në një situatë tepër të veçantë dhe njëkohësisht të pabesueshme.
Klubi rumun, dyshon se mbrojtësi Edgar le, nuk është ai që thotë, por është vëllai i tij binjak Edelino. Madje Dinamo ka kërkuar që të lojtarit t’i bëhet një test AND-je, për të nxjerr në pah të vërtetën.
Siç raportohet nga mediat rumune, Edelino le ka luajtur 5 ndeshje në vend të vëllait të tij Edgar.
Dyshimet u ngritën kur u gjendën përballë lojtarit, me këtë të fundit që nuk fliste mirë anglisht dhe fliste vetëm portugalisht. Vetë trajneri i Dinamos ishte ai që e linte lojtarin në stol pas atyre 5 ndeshjesh. Kjo ndodhi pasi edhe në stërvitje dukej çdo gjë tjetër veçse një mbrojtës me përvojë ndërkombëtare. Ai që dyshohet se është vëllai i futbollistit vetëm bënte gafa.
Tani mbetet vetëm një gjë për t’u sqaruar, sqarim i cili do të vijë përmes testit të AND-së. Dhe nëse kemi të bëjmë me një mashtrim, kjo do të ishte një nga gjërat më të bujshme në histori të futbollit.
Lexo gjithashtu
