Është mbyllur java e 11-të në Serie A, teksa nuk kanë munguar surprizat. Atalanta është mposhtur në Bergamo me shifrat e thella 0 – 3 nga Sassuolo.
Napoli pësoi disfatë çuditërisht ndaj Bolognias në transfertë, e përkthyer me vetëm 1 pikë në 2 ndeshjet e fundit, duke humbur terren ndaj kreut. Roma mori fitore të rëndësishme në kryeqytet karshi Udineses me golat e Pellegrini dhe Celik.
Në supersfidën e mbrëmjes, Interi mposhti 2 – 0 Lazion. Edhe pse rezultati është i pastër, fusha tregoi se zikaltërit vuajtën, 3 – 5 goditjet në kuadrat për lacialët.
Lautaro Martinez dhe Bonny gjetën rrugën e rrjetës në kontigjentin e Chivu. Për mbrojtësin e Kombëtares Elseid Hysajt nuk pati minuta. Kreu i takon Interit dhe Romës me 24 pikë, 2 më shumë se Napoli dhe Milani.
Lexo gjithashtu
