
Edon Zhegrova
E ardhmja e Edon Zhegrovës ka vetëm një destinacion, është Torino, konkretisht Juventusi. Sipas “mjeshtrit” të raportimeve mbi transferimet e lojtarëve, Fabrizio Romano, “Zonja e Vjetër” ka arritur akordin me klubin e Lille për Zhegrovën.
Ky transferim do i kushtojë Juves 20 milionë euro, përfshirë edhe bonuset. Ndërsa marrëveshja mes lojtarit shqiptar dhe Juventusit ka ditë që është “kopsitur”.
Pritet që në orët në vijim, 26-vjeçar të “zbarkojë” në Torino për të hedhur firmën dhe zyrtarizuar kalimin. Zhvendosja e Nico Gonzales do i jap “frymëmarrje” ekipit më të titullar në Italia përsa i takon aspektit financiar.
Poll