Milanit po i soset durimi me agjentët e Joshua Zirkzee. Kuqezinjtë janë të gatshëm të paguajnë klauzolën prej 40 milionë euro të lojtarit në arkat e Bolognas, por kurrësesi s’kanë ndërmend të paguajnë 15 milionë euro komision për agjentët.
Këtë gjë, drejtuesit e ‘Djallit’ e konsiderojnë absurd ndaj po përgatiten për alternativa të tjera. Mediat italiane raportojnë se Milani është rikthyer në pistën-Broja. Drejtuesit ndodhen aktualisht në Londër ku po negociojnë shitjen e Malik Thiaw për 30 milionë euro te Newcastle, por sipas raportimeve, do të ketë edhe një takim me Chelsea për 3 lojtarë.
Veç Brojës janë edhe mbrojtësi Chalobah dhe mesfushori Chukwuemeka në listën e dëshirave të Milanit. Informacione më të qarta do të vijnë në ditët në vazhdim kur drejtuesit e Milanit të rikthehen në Itali.
Lexo gjithashtu
