Asnjë fanellë apo shkrim special. E vetmja "dhuratë" që kërkoi 22-vjeçari ishte që të nderonin sfidën ndaj Empolit, e vlefshme për 8-tën e Kupës së Italisë. Ai do ta ndjekë ndeshjen drejtpërdrejt në televizor nga terapia intensive ku po trajtohet, duke qëndruar pranë prindërve të tij që nuk e kanë lënë asnjëherë që nga momenti i shtrimit në spital.
Dëshira e futbollistit është dërguar gjithashtu tek klubi, i cili është në kontakt të vazhdueshëm me të dhe familjen e tij: do të kufizohen në një mesazh të shfaqur në ekranin e madh të stadiumit Franchi, një lloj përqafimi virtual, dhe asgjë më shumë. Asgjë e ngjashme me atë që ndodhi para ndeshjes Roma-Atalanta, kur lojtarët e Romës mbajtën një fanellë të dedikuar për të.
Gjatë këtyre orëve, tifozët e Kurrvës Fiesole po përgatiten për një tjetër koreografi sonte, pas asaj të realizuar të dielën e kaluar. Përmes një komunikate të shpërndarë në kanalet e tyre sociale, ata kanë ftuar të gjithë tifozët të sjellin një shall dhe ta mbajnë të shtrirë gjatë gjithë kohës që luhet himni i Fiorentinës dhe i Allevit. "Është momenti për të qëndruar të bashkuar", thuhet në mesazhin e Fiesole, "për të treguar sërish se çfarë është e aftë të bëjë kjo qytet. Për Edo dhe për të gjithë djemtë tanë".
Lexo gjithashtu
