Ngonge & Ismajli
Ardian Ismajli po mban në ankth kombëtaren shqiptare dhe ekipin e Torinos. Mbrëmjen e djeshme mbrojtësi kuqezi pësoi një dëmtim në minutën e 77-të përballë Parmës duke u detyruar të lërë fushën e lojës.
Siç raportojnë mediat italiane, ende nuk është bërë e ditur shkalla e dëmtimit në kofshë që Ismajli ka pësuar. Në orët në vijim, Torino pritet të dalë me një deklaratë zyrtare për të zbuluar kohën e rikuperimit të tij.
Gjithashtu dhe kombëtarja shqiptare me trajnerin Sylvinho do të qëndrojnë në pritje për të kuptuar këtë situatë. Kujtojmë se Ismajli u dëmtua dhe në prag të nisjes së sezonit, duke humbur tre ndeshje me Torinon.
Poll
Lexo gjithashtu
