Weah - Mckennie
Infermieria e Juventusit duket se nuk do të mbetet për asnjë çast e boshatisur. Pas sfidës së fituar në Kupën e Italisë ndaj Cagliarit me shifrat 4-0, bardhezinjtë bëjnë të ditur se Timothy Weah ka pësuar një lëndim.
“Pas një problemi muskulor të pësuar mbrëmë në ndeshjen e Kupës së Italisë kundër Cagliarit, Timothy Weah iu nënshtrua testeve mjekësore në mëngjesin e sotëm, të cilat zbuluan një lëndim në kofshë” – ishte kjo deklarata e Juventusit në faqen zyrtare.
Sipas mediave italiane, anësori amerikan do të duhet të ndalojë për disa javë, ku praktikisht e ka mbyllur tashmë vitin me fanellën e Juventusit pas këtij dëmtimi. Bardhezinjtë shpresojnë ta kenë gati Weah në ndeshjen e Superkupës ndaj Milanit më 3 janar.
Poll
Lexo gjithashtu
