Thiago Motta ka nisur menjëherë nga puna te Juventusi. Përveç lojtarëve që ka kërkuar të blihen nga drejtuesit, tekniku italian ka filluar edhe revolucionin në ekip, duke larguar ata që s’i ka në plane.
Pasi ka nxjerrë nga lista Federico Chiesan, Motta po mendon të largojë një tjetër lojtar. Bëhet fjalë për Tiago Djalo. Qendërmbrojtësi portugez nuk është në planet e trajnerit dhe tashmë është shumë pranë largimin nga “Zonja e Vjetër”.
Ashtu si Chiesa, edhe Djalo nuk është thirrur nga trajneri për ndeshjet miqësore. Kujtojmë që 24 vjeçari u transferua në Torino në janar të këtij viti. Bardhezinjtë shpenzuan rreth 5 milionë euro për të siguruar shërbime e tij, por vetëm pas 6 muajsh, Djalo është pranë largimit.
Nuk dihet ende nëse Juventusi do të heqë dorë përfundimisht nga shërbimet e 24 vjeçarit. Drejtuesit e “Zonjës” po mendojnë edhe mundësine e huazimit të lojtarit për 1 sezon.
Lexo gjithashtu
