Ciro Immobile mesa duket do të mbyllë aventurën e tij me ekipin e Lazios në merkaton e ardhshme verore. Sulmuesin italian me shumë mundësi, sezoni i ri do ta gjejë me një ekip tjetër, ndoshta edhe jashtë Evropës.
Një dëshirë e tij është ribashkimi me Simone Inzaghin te skuadra e Interit. Por zikaltrit ende nuk kanë bërë një hap konkret, për të transferuar italianin në “San Siro”.
Teksa ajo ç’ka raporton “Corriere della Sera” së fundmi, e lidh 34-vjeçarin me një kalim në Arabinë Saudite. Këta të fundit janë të gatshëm t’i plotësojnë dëshirat financiare, me italianin që vështirë që do t’i refuzonte ofertat e majme, duke patur parasyshën edhe pikën e karrierës në të cilën ka ardhur.
Në këtë sezon me fanellën e Lazios, Immobile ka luajtur 34 ndeshje, mes Serie A, Kupës, Champions League dhe Superkupës. Italiani ka arritur të shënojë 10 gola dhe të asistojë në 1 tjetër.
Lexo gjithashtu
