Granit Xhaka tregoi në ndeshjen ndërmjet Sunderland dhe Brentford se jo më kot është kapiten te “Macet e Zeza”. Në duelin e mbajtur në “Stadium of Light”, Sunderland finalizojë përmbysje spektakolare. Pjesa e parë nuk pati shumë për të thënë, e mbyllur 0-0.
Ndërsa fraksioni i dytë i lojës dhuroi emocione të jashtëzakonshme. Të parët që kaluan në avantazh ishin miqtë e Brentford me Thiago (77’). Por vendasit nuk u dorëzuan. Sunderland gjeti forcën dhe fitoi penalltin në minutën e 82’, e kthyer në gol nga Le Fee. U mendua se ky duel do të mbyllej me këto “ngjyra”, por lideri Granit Xhaka nuk e kishte thënë fjalën e tij.
Në minutën e 90+6, lojtari me origjinë shqiptare krosoi saktësisht në zonë, aty ku Isodr e dërgoi topin në rrjetë, pas goditjes së saktë me kokë. Pas 3 javësh Premier League, Sunderland regjistron 6 pikë.
Lexo gjithashtu
