Trent Alexander-Arnold ditët e fundit ka përfunduar në qendër të vëmendjes, pasi po përflitet se është në radarin e Real Madrid për merkaton e janarit. Paraqitjet e tij pozitive dhe të shkëlqyera me Liverpool dhe Anglinë kanë bërë që anglezi të lidhet me një transferim të mundshëm në “Santiago Bernabeu”.
Në lidhje me këto zëra ka folur Arne Slot. Trajneri i Liverpool shpehet i bindur tek lojtari se nuk pritet të “tradhtojë” anglezët. Kështu trajneri holandez përgënjeshtron zërat e largimit të tij, ndërsa thekson se Alexander-Arnold është një lidër te “The Reds”.
“Këta lojtarë janë mësuar që të lidhen me top klube në baza ditore. Nëse kanë kontrata ose jo. Nëse mendoni se ata janë të hutuar nga këto lajme, atëherë mendoj se ju nuk keni gjykuar se sa të fortë janë ata mentalisht në atë që bëjnë. Kjo është pjesë e punës tone.
Isha tek Feyenoordi vitin e kaluar dhe ata më kanë lidhur mua me shumë klube. Kjo është pjesë e botës në të cilën po jetojmë.
Ju duhet të fokusoheni në atë që duhet të bëni. Ndoshta nëse jeni 17 ose 18-vjeçar, kjo mund të jetë e vështirë për ju, por Trent e ka fituar ligën, e ka fituar Ligën e Kampionëve”, ka përfunduar Slot.
Lexo gjithashtu
