Interi dhe Milani do të dalin në fushë mbrëmjen e nesërme në sfidën e vlefshme për gjysmëfinalen e kthimit të Kupës së Italisë. Përballja e parë është mbyllur në barazim me shifrat 1-1. Në prag të kësaj sfide, trajneri i Milanit, Sergio Conceicao ka dalë në konferencë për shtyp për media.
“Fillimisht diçka për Papa Françeskun. Ai ishte një njeri i jashtëzakonshëm, do të na mungojnë fjalët dhe vështrimi i tij.
Ndeshja e nesërme është thelbësore për ne, ne duam të fitojmë dhe t’u japim tifozëve këtë titull të madh. Jam i vetëdijshëm se ndeshja e nesërme është më e rëndësishmja.
Ne duhet të bëjmë punën tonë, është një ndeshje shumë e rëndësishme për të gjithë. Për një klub historik si Milani duhet të jetë normale të arrijë në finalen e Kupës së Italisë”, shprehet Conceicao.
Lexo gjithashtu
