Manchester City bëri një merkato dimërore ku transferoi 4 lojtarë që kaluan sëbashku vlerën e 200 milionë eurove. Por vetëm një peng mbeti për, Pep Guardiolën në këtë afat kalimtar.
Ai ishte Andrea Cambiaso i Juventusit, i cili dëshirohej nga tekniku spanjoll me çdo kusht, por pa arritur ta transferojë në janar. Për këtë çështje, agjenti i lojtarit ka zgjedhur të tregojë më shumë.
“Juventusi do të shpjegojë se çfarë ndodhi, unë ju them se gjithçka që keni dëgjuar në media në lidhje me negociatat janë të vërteta. Është e vërtetë që Guardiola dëshironte transferimin e Cambiasos në Manchester”, tha agjenti Giovanni Bia.
Mediat italiane raportuan javë më parë një ofertë prej 65 milionë eurosh prej Manchester Cityt për shërbimet e anësorit italian, e cila thuhet të jetë refuzuar nga Juventusi.
Lexo gjithashtu
