Pavarësisht se kaloi një sezon pothuajse perfekt, Barcelona pritet të ketë një verë të ngjeshur përpara. Klubi ka të ngjarë t’i shtojë më shumë cilësi dhe thellësi ekipit, veçanërisht në repartin sulmues, ku ekipi është dukur mjaft i varur nga treshja e sulmit.
Prandaj, Barcelona është në kërkim të një sulmuesi të gjithanshëm, i cili jo vetëm që mund të luajë në krah, por mund të shërbejë edhe si zëvendësues për Robert Leëandoëski-n në departamentin e shënimit të golave. Duket se Barcelona mund ta ketë gjetur tashmë objektivin e dëshiruar sulmues për verën, në formën e Luis Diaz, raporton “Diario SPORT”.
Lojtari kolumbian është admiruar prej kohësh nga Deco, i cili e sheh anësorin si një përshtatje të përsosur për sistemin me intensitet të lartë dhe lojë të gjerë të Hansi Flick. I moshës 28 vjeç dhe nën kontratë në Anfield deri në vitin 2027, Diaz do të kërkonte një tarifë prej rreth 80 milionë eurosh, një shifër që do të kishte qenë e pamundur në të kaluarën e afërt.
Diaz, nga ana e tij, është i hapur për një transferim në La Liga, dhe projekti i fundit sportiv i Barcelonës, i kombinuar me rikthimin e tyre në “Camp Nou” të rinovuar, po rezulton gjithnjë e më tërheqës për lojtarët e nivelit të lartë.
Ndërsa diferenca e “Fair Play Financiar” mbetet një “nëse” e madhe, Deco e ka bërë të qartë, përforcimi i krahëve është një përparësi. Dhe te Luis Diaz, Barça beson se ka gjetur kombinimin e duhur të cilësisë, përvojës dhe vlerës.
Lexo gjithashtu
