Vedat Muriqi
Vedat Muriqi është përfshirë në “Formacionin e Javës” në Spanjë. Sulmuesi shqiptar ka qenë protagonist në takimin e së hënës në La Liga dhe kjo ka bërë që ai të vlerësohet.
“Pirati” realizoi golin e vetëm të takimit të javës së 23-të për Mallorcan. Ishullorët barazuan në shtëpi 1-1 ndaj Osasunas dhe kjo falë penalltisë së ekzekutuar nga dardani.
Sulmuesi nga Kosova u tregua i saktë në minutën e 81-të për t’i dhënë klubit spanjoll një pikë të vlefshme.
Ky ishte goli i katërt sezonal për shqiptarin, i cili po tregohet super efikas në aventurën me kuqezinjtë. Nota 8 prej golit të rëndësishëm e katapultoi Muriqin në 11-shen e javës në krahë të “yllit” të Realit, Rodrygo.
Vedat Muriqi në "Formacionin e Javës"
Poll
Lexo gjithashtu
