Nuk ka prodhuar fitues ndeshja Elbasani – BATE Borisov, e vlefshme për raundin e parë të Conference League, 1 – 1. Edhe pse verdheblutë e drejtuar nga Ivan Gvozdenovic ishin imponues në 45 minutat e para, nuk ia dolën të merrnin fitoren.
Shifrat u zhbllokuan në minutën e 45+1, konkretizimi i sulmuesit të ri te verdheblutë, Ardit Nikaj. Sulmuesi i ardhur nga Ëisla tregoi “arsenalin” goditës edhe në fraksionin e dytë, ndonëse vetëm 1 gol.
Në momentin kur gjithçka dukej e “kopsitur” dhe në kontroll për ekipin e Gvozdenovic, talenti Egor Rusakov i shpëtoi mbulimit të prapavijës së Elbasanit dhe barazoi me kokë.
Ndonëse ekipi shqiptar kërkoi të rivendoste epërsinë, nuk ia doli. Gjithçka mbetet e hapur për ndeshjen e kthimit, 16 korrik.
Elbasani 1 – 1 BATE Borisov (Nikaj 45+1'/Rusakov 67')
90+4 - Përfundon në barazimin 1 - 1 ndeshja Elbasani - BATE, gjithçka e hapur për kualifikimin.
67' - Rusakov kap "mat" mbrojtjen e Elbasanit, vendos baraspeshën, 1 - 1.
61' - Nikaj "kërcënon" ndjeshëm BATE-n, pritje spektakolare nga "gardiani" mik.
46' - Nis pjesa e dytë.
45+3' - Mbyllet pjesa e parë.
45+1' - Elbasani zhbllokon rezultatin, shënon sulmuesi shkodran Ardit Nikaj.
8' - Goditje e "rrufeshme" nga Nikaj, pret "mrekullisht" portieri i BATE Borisov.
1’- Shkelomohet topi në stadiumin “Elbasan Arena”.
FORMACIONET ZYRTARE
ELBASANI: Aleksovski; Lila, Epitoi, Lulaj, R.Kasa; Tresa, Ibrahim, A.Kasa; Diallo, Hebaj, Nikaj
Trajner: Ivan Gvozdenovic
BATE Borisov: Sokol; Sakuta, Moussakhanian, Rakhmanov, Neskaromny; Kress, Angban, Kaplenko; Zhurin, Puerto, Varaksa.
Trajner: Vitali Rogozhkin.
Conference League: Raundi i parë
Stadiumi: “Elbasan Arena”
Arbitër: Ion Orlic
