Real Madrid arriti të kualifikohej në çerekfinalen e Champions League pas shumë vuajtjes. “Los Blancos” u mposhtën 1-0 nga Atletico Madrid në sfidën e dytë, duke bërë që sfida të shkonte në shtesë, pasi ekipi i Carlo Ancelottit kishte triumfuar 1-0 në duelin e parë.
“Ruleta Ruse” i buzëqeshi “Los Blancos”, të cilët siguruan edhe biletën për në fazën tjetër. Ndërmkohë polemikat nuk kanë munguar, sidomos për penalltinë e Julian Alvarez.
Pas kësaj sfide ka folur Ancelotti, i cili ka analizuar ndeshjen, ndërsa ka folur edhe për penalltinë e shumë diskutueshme.
“Ndeshja ishte e vështirë, si gjithmonë, edhe më e komplikuar për shkak të golit që pranuam. Pas kësaj, ndeshja ishte mjaft e qartë në lexim. Ata u mbrojtën dhe u përpoqën të na kërkonin jashtë pozicionit në kundërpërgjigje. Prioriteti ishte kërkimi i posedimit efektiv në kërkim të mundësive, por pa u kënaqur me lojën.
Është e vështirë të krijosh shanse kundër Atleticos, sepse në mbrojtje ata janë një ekip shumë i mirë. E patëm në një lojë të mrekullueshme nga Mbappe, humbëm penalltinë dhe loja ishte e ekuilibruar deri në penallti. Në të parën vendosëm më të mirin, Mbappen, dhe në të pestën zgjodhëm Rudigerin sepse ai shënoi kundër Cityt.
Penalltia e Julian Alvarez? Unë mendoj se ata tashmë e kishin zbuluar atë. Kur e kuptuam këtë dyshim, ata e kishin zbuluar tashmë nga VAR-i. Unë nuk e kam kuptuar këtë. E kam parë dhe mendoj se ai bën prekjen e dytë me këmbën e majtë”, ka përfunduar italiani.
