Pas 180 minutave të ‘ashpra’ në Mynih dhe Milano, Interi arriti të kualifikohet në gjysmëfinale të Champions League pas një rezultati të përgjithshëm ndaj Bayernit 4-3. Trajneri i zikaltërve ka folur për mediat italiane pas kualifikimit të ekipit të tij në fazën tjetër.
“Ishte një mbrëmje e bukur, me tifozët tanë dhe në stadiumin tonë kundër një ekipi shumë të fortë. Na u desh të luanim dy ndeshje të shkëlqyera, dhamë gjithçka dhe po ecim përpara në këtë sezon të gjatë dhe të vështirë. Bëmë 4 vote duke ditur që kishim një ekip të madh pavarësisht vështirësive, fillimisht duhej të rregullonim disa gjëra për të fituar më pas.
Bayerni gjithashtu luajti dy ndeshje të shkëlqyera, ne e donim dhe e shijuam atë fitore, frytin e sakrificës. Ishim mirë, ndihmuam njëri-tjetrin dhe kjo është e vetmja mënyrë për të mposhtur një ekip të këtij niveli”, shprehet Inzaghi.
