Borussia Dortmund ia doli që të triumfonte në shtëpi 3-1 përballë Barcelonës, në sfidën e kthimit çerekfinale të UEFA Champions League. Megjithatë, gjermanët u eliminuan për shkak të humbjes 4-0 në ndeshjen e parë.
Në përfundim të këtij dueli ka folur trajneri i “verdhezinjve”, Niko Kovac, i cili shprehet mjaft krenar. Tekniku i Dortmund thotë se kjo krenari vjen pasi ekipi i tij është i vetmi që ka mposhtur Barcelonën në vitin 2025.
“Jemi të mërzitur që jemi eleminuar, por jemi krenarë për atë që lojtarët shfaqën. Jemi ekipi i vetëm që kemi mundur Barcelonën në vitin 2025. Kjo flet shumë për performancën e ekipit. Të bësh një ndeshje të tillë nuk është diçka që shumë ekipe kanë qenë të aftë ta bëjnë kundër tyre këtë vit”, është shprehur Kovac.
