Borussia Dortmund ka udhëtuar sot drejt Barcelonës për t’u përballur nesër me këta të fundit në sfidën e vlefshme për çerekfinalet e Champions League. Në prag të këtij dueli të rëndësishëm, trajneri i verdhezinjve Niko Kovac, ka dalë në konferencë për shtyp për mediat.
“Unë mendoj se Barcelona është favorite në takimin e nesërm, por Dortmundi luajti në finalen e sezonit të kaluar. Këtu, gjithçka është e mundur. Ne jemi pak të dobët, por kjo nuk do të thotë asgjë.
Hansi Flick? Ne e njohim dhe e vlerësojmë mirë njëri-tjetrin. Ne gjithashtu e dimë se si e shohim futbollin e njëri-tjetrit. Ne jemi të vetëdijshëm për cilësinë e sulmuesve të Barcelonës dhe duhet të mbrohemi mirë. Duam të përfitojmë nga pikat e tyre të dobëta dhe të përpiqemi t’i ekspozojmë”, u shpreh Kovac
