Edhe pse futbollin e ka lënë para shumë vitesh, Cafu vazhdon që të jetë aktiv me komentet e tij. Në një intervistë të dhënë së fundmi për mediet italiane, ai është kthyer pas në kohë ku ka treguar se cili është lojtari më i miri me të cilin ai ka luajtur.
Ish-mbrojtësi i Milanit dhe Romës ngre në piedestal Ronaldinhon, por pa lënë pas lojtarë të tjerë si Ronaldo Fenomeni apo italiani, Francesco Totti.
“Më i forti me të cilin unë kam luajtur është padyshim Ronaldinho. Ajo që e bënte me topin është e pashpjegueshme. Pastaj vjen fenomeni Ronaldo. Nëse nuk do të ishte lënduar do të thyer çdo rekord. I treti? Ndjehem në një situatë aspak të mirë tani sepse kam luajtur me shumë futbollistë të mirë.
Nga Shevchenko, Rivaldo, Seedorf, Pirlo, Totti, etj. Janë kaq shumë. Madje për një kohë mendoja se Pato mund të bëhej qendërsulmuesi më i fortë në botë. Nëse vërtetë duhet të them një emër, unë do të zgjedh Totti-n. Po, Francesco e meriton”, u shpreh Cafu.
Lexo gjithashtu
