Bayern Munich e nisi sezonin mjaft mirë, por në ndeshjet e fundit hasi vështirësi. Duke i nisur këtu nga barazimi në kampionat me Leverkusen dhe Eintracht Frankurt, e deri te humbja në Champions përballë Aston Villas.
Megjithatë është tepër herët si për idetë e trajnerit Vincent Kompany dhe lojtarëve që kanë ardhur gjatë kësaj merkato verore. Por njëri prej tyre, jo vetëm është përshtatur, por mund të quhet edhe “bast” i fituar nga drejtuesit bavarezë.
Bëhet fjalë për Michael Olise. 22-vjeçari francez i cili mund të bëjë disa role në repartin ofensiv, ka qenë në super formë deri më tani. Në 9 ndeshje të luajtura këtë sezon, Olise ka shënuar 6 gola, teksa ka asistuar në 3 të tjerë.
Kjo ka bërë që francezi të zërë menjëherë vendin e titullarit, duke lënë në stol lojtarë si Kingsley Coman apo Leroy Sane. Forma e Olise tregon që Bayern Munich pavarësisht se ka shpenzuar 53 milionë euro për të, ka goditur në shenjë.
Lexo gjithashtu
