Zelanda e Re është skuadra e radhës që ka mundur të sigurojë kualifikimin për në finalet e Kupës së Botës. Kjo pasi mposhtën me shifrat 3-0 Kaledoninë e Re në transfertë.
Një sukses i jashtëzakonshëm për Zelandën e Re, e cila tashmë do të ketë mundësinë të përjetojë emocionet e finalave të Kupës së Botës. Ekipi i drejtuar nga Darren Bazeley arriti të kualifikohet në finalet e Botërorit 2026 pas 16 vitesh mungesë.
Kjo për Zelandën e Re është hera e 3-të në historinë e tyre që arrijnë të kualifikohen në Kupën e Botës, teksa pjesëmarrja e tyre në të kaluarën ka qenë në vitet 1982 dhe 2010.
Tashmë Zelanda e Re është skuadra e dytë që kualifikohet në Kupën e Botës pas Japonisë. Këto të fundit vetëm pak ditë më parë siguruan biletën për në finalet e Botërorit. Siç dihet të kualifikuara në Kupën e Botës janë edhe SHBA, Kanadaja dhe Meksika si vende organizatore.
Lexo gjithashtu
