Edlir Tetova ka folur nga Sllovenia ku Egnatia po zhvillon fazën përgatitore. Trajneri i rrogozhinasve ka treguar se gjendja e skuadrës është optimale.
Po ashtu timonieri i Egnatias ka shtuar se vlerëson Borac Banja Lukan. Kujtojmë se klubi boshnjak është rivali për turin e parë të Champions League.
Si po shkojnë përgatitjet në Slloveni?
Përgatitjet janë në pikun e tyre ku ngarkesat po arrijnë në doza maksimale dhe jam i kënaqur se çdo gjë po shkon shumë mirë.
Si u kthyen lojtarët nga pushimet në aspektin fizik?
Lojtarët kanë pushuar mirë dhe erdhën në gjendje optimale për të rinisur stërvitjen.
Çfarë indiciesh ju dha miqësorja ndaj MFK Ruzomberok, fituesi i Kupës së Sllovakisë?
Ishte miqësorja e parë grupi nuk ishte i plotë megjithë mora sinjale pozitive gjatë 90 minutëshit.
Shorti në Champions ju ka vendosur përballë FK Borac Banja Luka. Si ju duket ky kundërshtar boshnjak?
Ekipi luan mirë arma e fortë janë grupi. Pothuajse të njëjtët lojtar prej 2 vitesh.
A keni nisur ta studioni FK Borac Banja Luka, keni siguruar informacionin e duhur?
Po kam filluar ta shikoj janë ekip i fortë fizikisht dhe me tifozëri të zjarrtë por ne do të bëjmë më të mirën tonë.
A përbën fakt pozitiv të luajturit e ndeshjes së kthimit në Shqipëri ndaj kundërshtarit boshnjak?
Mendoj qe çdo ndeshje para tifozëve tonë është suport për neve.
Çfarë prisni nga merkatoja e verës dhe si ju duken afrimet deri tani tek Egnatia?
Mendoj e kemi mbyllur me merkaton janë 3 afrime që i deshëm dhe besoj qe dita ditës janë duke u shkrirë me grupin.
Lexo gjithashtu
