Një garë që ka mbajtur të mbërthyer deri në fund të gjithë fansat. Spanjolli i Ducatit Jorge Lorenzo i ka hequr kënaqësinë e fitores rivalit Marc Marquez në momentet e fundit të garës së Austrisë. Ka qenë një beteje më përmbysje nga fillimi në fund. Kampioni i botës me Hondan Marquez humbi vendin e parë që në xhiron e parë duke lënë dyshen e Ducatit Dovizoso-Lorenzo të kryesonin garën.
Më pas 31-vjeçari Lorenzo rikuperoi distancën prej 0.8 sekondash me Marquezin duke e çorientuar nga drejtimi i garës. 6 xhirot e fundit ishte një betejë “jetë a vdekje” midis dyshes iberike. Marquez tentoi me “1000 mënyra” të zbriste nga vendi i parë Lorenzon, por vetëm 0.130 sekonda e ndanë nga fitorja. Kjo është gara e 11-të e sezonit dhe Marquez mban vendin e parë në klasifikim për pilotë i pashqetësuar me 201 pikë, i ndjekur nga Valentino Rossi me 142 dhe Lorenzo me 130.
