Aventurës së Etrit Berishës me Lazion, duket se po i vjen fundi. "Gardiani" i portës kuqezi është pranë largimit nga ekipi italian.
Sipas "lazionews.eu", Berisha është zemëruar me trajnerin Simone Inzaghi dhe hierarkinë e klubit. 27-vjeçari nga Prishtina nuk ka ndërmend që të rrijë edhe një sezon tjetër si zëvendës i Marchetit dhe për këtë arsye dëshiron largimin.
Trajneri i ri Inzaghi nuk e ka konsideruar si zgjedhje të parë portierin shqiptar dhe tashmë divorci mes palëve është në prag.
Aston Villa ishte klubi anglez që e kërkonte, por Berisha e refuzoi atë skuadër. Tashmë pritet të ndiqet me interes se ku do të vijojë aventura e portierit kuqezi.
Poll
Lexo gjithashtu
