Marat Safin ka dhënë një deklaratë të bujshme teksa është shprehur se Coronavirusi është një mashtrim ose konspiracion. Ai beson se “COVID 19” është një pandemi për të shërbyer si mbulim për futjen e mikroçipave në trupat e njerëzve. Ish kampioni i tenisit ka deklaruar për “Sport. RU”:
“Mendoj se ata po i përgatisin njerëzit për t’iu futur çipa. Gjithçka është përgatitur për këtë.
Në vitin 2015, Gates tha se do ta kemi një pandemi dhe se armiku i radhës do të ishte një virus dhe jo një luftë bërthamore. Në forumin Davos ata e bënë një simulim për ta parë se si do të dukej. Unë nuk mendoj se Gates është parashikues, ai thjesht e dinte çfarë do të ndodhte”, shtoi ai.
“Mendoj se gjendja me këtë virus nuk është siç po na thonë, por njerëzit u besojnë të gjitha tregimeve të tmerrshme që i shohin në TV. Disa njerëz mendojnë se bota do të marrë fund, unë nuk e besoj këtë. Ne thjesht do të sillemi vërdallë me mikroçipë bë trup”, është shprehur ai.
Lexo gjithashtu
