Pika e dobët e Bayern Munich në këtë gjysmë sezoni ka qenë padyshim mbrojtja. Përveç Kim Min-jae, qendërmbrojtësat e tjerë nuk kanë patur stabilitet.
De Ligt për shkaqe dëmtimesh, ndërsa Upamecano nuk po arrin që të jetë një lidër në repartin mbrojtjes, duke bërë shpeshherë gabime që i kushtojnë bavarezëve edhe golin. Në këtë situatë, Thomas Tuchel u ka kërkuar drejtuesve një mbrojtës në merkaton e janarit.
Një nga më të pëlqyerit nga gjermanët është ylli i Milanit, Fikayo Tomori. Mbrojtësi anglez shihet nga bavarezët si perfekti për projektin e tyre dhe skemat e Tuchel. Por në krahun tjetër, klubi italian e ka bërë të qartë që Tomori është i pashitshëm.
Pritet që në ditët në vijim të ketë zhvillime të reja, me Milanin që vështirë të pranojë të shesë një lojtar si Tomori, duke parë dhe situatën aktuale të dëmtimeve në ekip.
Lexo gjithashtu
