Bayern Munich ndryshoi trajner pak para përfundimit të sezonin që sapo lamë pas, duke shkarkuar Julian Nagelsmann dhe duke emëruar si trajner të ri një tjetër gjerman, Thomas Thuchel.
Me ardhjen e këtij të fundit shumë lojtarë që ishin titullar në fillim, filluan duke humbur atë vend dhe duke u ndjerë të pakënaqur me situatën. Një situatë e tillë është edhe midis dyshes së mesfushës Gravenberch dhe Goretzka.
Duke folur në konferencën për shtyp, Thomas Tuchel foli për Leon Goretzka dhe Ryan Gravenberch, dy lojtarë që mund të largohen nga Bayerni.
"Është herët për të folur për këtë, por mund të them se të dy janë në ekipin tonë. Ryan ka rolin e sfiduesit dhe ai duhet të nxjerrë më të mirën prej tij. Leon po vjen nga një situatë e pakënaqshme siç ishte fundi i sezonit. Ne presim shumë prej tij. Nuk kam dëgjuar nga Leoni që ai ka plane të tjera. Të gjithë mesfushorët janë këtu dhe duan të shohin fillimisht se çfarë ka në mendje trajneri”, tha tekniku gjerman.
Lexo gjithashtu
