Bayern Munich i Nagelsmann nuk bind, kampionët gjermanë nuk fitojnë as miqësoren e dytë

Julian Nagelsmann duket se nuk e ka gjetur ritmin e Bayern Munich.

Kampionët e Gjermanisë dështuan për të marrë fitoren dhe në testin e dytë miqësor me teknikun 34-vjeçar në stol. Bayern u ndal 2-2 nga Ajax.

Ishin kampionët e Holandës ata që kaluan të parët në avantazh me anë të Labyad, teksa para fundit të pjesës së parë, Choupo Moting vendosi baraspeshën.

Me fillimin e fraksionit të dytë, Nianzou kaloi gjermanët në avantazh, ndërsa Jensen në të 50-të vulosi rezultatin final në 2-2.

Barazim që vlejti për Nagelsmann për të parë formën fizike të futbollistëve të tij, e që vjen pas humbjes 3-2 Këln.