Trajneri i Barcelonës, Quique Setien, reagoi ndaj deklaratave të sulmuesit Lionel Messi për objektivin në Champions League.
Përpara se sezoni të pezullohej, argjentinasi deklaroi në një intervistë se, Barcelona nuk mund të fitojë Champions League me atë organikë që e ka tani.
Më vonë Setien tha se ai ishte optimist në lidhje me shanset e ekipit për të fituar turneun e Champions League. Messi pas deklaratave të trajnerit i vuri në dukje se ai nuk e kuptonte saktë.
“Po, kjo pyetje shkaktoi një konfuzion, por unë mendoj se në fund të dy e dimë se çfarë mendonim. Të dy jemi të bindur që duam të fitojmë Champions League dhe këtë mund ta arrijmë.
Është e vërtetë që gjithmonë ka vend për përmirësim, megjithatë të dy jemi të bindur që skuadra ka burime të mjaftueshme për të fituar Champions League ”, tha Setien në një Intervistë me beIN Sports.
Loading ...
