Në një postim në faqen zyrtare të deputetit Taulant Balla, ku ky i fundit ka treguar momentet kur ai dhe Kryeministri Rama ishin të ftuar nderi nga ana Bayern Munchen për të ndjekur ndeshjen bavarezeve me Leverkusenin, ka pasur shumë kritika nga komentuesit.
Komentet lidhur me këtë postim nuk kanë qenë aspak pozitive, pasi pjesa më e madhe e komentuesve kritikonin Ballën, por jo vetëm se kanë lënë Shqipërinë të vuajë, ndërkohë që ndjekin pasionet.
Në postimin në faqen zyrtare, deputeti Balla shprehet: "Si tifoz "i regjur" i Bayern pata edhe unë nderin të jem bashke me Kryeministrin në këtë festë për bavarezet. Një super pritje dhe bisedë e këndshme me Karl Heinz Rumenige CEO i Bayern Munchen për futbollin dhe kujtimet e tij nga Shqipëria, ku Bayern dhe Gjermania kanë shume tifozë.
Nga ana tjetër komentuesit janë shprehur të indinjuar, duke theksuar se vendi gjendet në vështirësi, populli nuk di çfarë të bëjë, ndërkohë që zotëria juaj dhe Kryeminsitri ndiqni pasionet tuaja, duke ja u shitur shqiptarëve si arritje.
Lexo gjithashtu
