
Reali konfirmoi ditën e sotme se Marco Asensio do të largohet nga “Santiago Bernabeu”. Në këto kushte në repartin e sulmut të “Los Blancos” ka një vend bosh. Drejtuesit kanë nisur menjëherë nga puna dhe duket se kanë gjetur në Premier League lojtarin e duhur.
Madrilenët pëlqejnë shumë Roberto Firmonon, i cili gjithashtu do të largohet nga “The Reds” si lojtar i lirë.
“Defensa Central” raporton se Reali po përgatitet t’i ofrojë brazilianit një kontratë tre-vjeçare (me formulën 2+1), me pagë prej 5 milionë eurosh në sezon. Presidenti i “Los Blancos”, Florentino Perez, besohet se ka dhënë aprovimin për një gjë të tillë.
Poll