Një fitore e çmendur e Arsenal përballë Bournemouth në Emirates Stadium. Topcinjtë përmbysën nga 0-2 në 3-2 me golin e fitores që erdhi në sekondën e fundit të sfidës, në minutën e 97’. Pas ndeshjes, trajneri Arteta foli për mediat ku nuk ngurron të shprehë emocionet.
"Jam shumë i lumtur. Ishte një çmenduri. Këto emocione gëzimi dhe lumturie, e gjitha erdhi në një mënyrë të veçantë dhe u desh sekonda e fundit për ta fituar. Unë jam shumë krenar për këta lojtarë. Ata nuk u dorëzuan kurrë. Nuk ka asgjë më të mirë se të ndash këto momente të mrekullueshme me njerëzit e tu. Jam shumë i lumtur për Reiss Nelson.
Është vetëm një ndeshje tjetër, 3 pikë të tjera. Të fitosh tre ndeshje në një javë (Leicester, Everton, Bournemouth) është shumë e rëndësishme. Ne duam të qëndrojmë në krye për aq kohë sa të jetë e mundur. Ka ende shumë lojëra për të luajtur, por këtu qëndron bukuria”.-tha spanjolli.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
