Ish-trajneri i Arsenal, Arsene Wenger ka parashikuar se topçinjtë e Londrës do të dalin triumfator në fund të sezonit në Premier League. Për francezin skuadra e Artetës do të mposhtë konkurrencën e Manchester City.
Diferenca mes skuadrave është 4 pikë në favor të Arsenal, por City ka një ndeshje më pak dhe pastaj është takimi direkt mes ekipeve në “Etihad”. Të mërkurën e ardhshme do të jetë përballja mes tyre.
“Arsenal akoma e ka fatin në dorën e vet”, shprehet Wenger. “Nëse ata fitojnë ndeshjen kundër City do të jenë kampion. Ashtu siç Guardiola e tha, City ndihet i lodhur.
E pashë që ata e përfunduan të lodhur 10-15 minutëshin e fundit me Bayern dhe ndoshta Arsenal mund të marri avantazh sepse Arsenal nuk luan për asgjë tjetër, vetëm kampionati dhe luajnë të premten ndaj Southampton dhe pastaj kanë 5 ditë të përgatisin ndeshjen.
Fizikisht ata mund të kenë një avantazh dhe ta surprizojnë City-in, kjo është ajo që shpresoj, por le të shohim. Unë sërish mendoj se ne do të fitojmë.”
Lexo gjithashtu
