Arsenal ka arritur të fitojë kundër Chelsea-it me rezultatin 3-1, ndeshje e vlefshme për javën e 34-të të Premier League. “Topçinjtë” kanë lënë pas disfatën me City-in duke shkëlqyer ndaj Bluve të Londrës. Takimi u zhbllokua shpejt, teksa në minutën e 18-të Odegaard realizoi golin e parë. Ishte asisti i Granit Xhakës dhe lojtari i Arsenal nuk gaboi. Ai nuk u ndal me aq, pasi në minutën e 31-të shënoi sërish, po prapë me asistin e mesfushorit shqiptar.
3 minuta më pas Jesus shënoi edhe të 3-tin duke përfunduar në këtë mënyrë këto 45 minuta. Pjesa e dytë nuk pati shumë histori teksa Madueke shënoi golin e vetëm për skuadrën e Chelsea-it. Pas kësaj ndeshje, Arsenal merr sërish vendin e parë me 78 pikë, por City ka 2 përballje më pak. Ndërkohë Chelsea mbetet shumë larg zonës europiane duke u renditur në vendin e 12-të me 39 pikë.
Lexo gjithashtu
